À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Dan mo latet sa res enn souvenir, sa res enn zour sournwa

Mo ti panse ki se zis enn rev, kouman enn sinp zour

ki m’õnn al sinema

Me an realite sa pa ti enn fim, ni pe zwe enn pies drama

Ziska zordi pou mwan sa inn res enn troma

Tou mo lespri ankor pe dormi

Me apre sak revey bãnn mem kosmār ki revini

Penan zour, penan ler, penan minit ki mo pa viv li

Li kouman enn sikatris lor flan mo leker ki’nn trans transe pou

fer satini

Ti fek 5-er tanto

Enn letan livernaz ti aswār koumans tonbe lor ledo

Devan laboutik zonm pār grap kouman ti grabo

Sakenn pe kampo, reglo, wah ki pe dir poyo?

Mo enan 200 dan pos nou met enn koste gengn enn lit, enn

gadiak, enn pake Matelot

Me twa to enan enn bos deryer to latet pe tini enn pwa 100 kilo

To lespri fini rant dan enn timing

To pa la twa, dan to latet tõ’nn fini fer to fim

To enan enn proze pou atake, to deza kõnn to viktim

Nou tou nou la nou inosan

Pov diab laem-la saem so bãnn dernien bout letan

Ti kapav li, ti kapav mwan

Manz gadiak akoz saem dernien zour goute konokono

Saem dir twa viv sak zour komsi saem dernien moman

E si? E si mo ti enan pouvwār pou kõnn lefitir

Zordi tousala ti kapav inn pran enn lot tournir

Ler mo gengn kont kantite mārtir

Tõ’nn pase dan lamin sa bãnn pouritir

Li dir pou dir me sir ki zot pou kõnn pli pir

Lazistis imenn kont lazistis divinn

Lakel ki vre lakel ki fos

Lanin lor lanin bãnn koupab inn repran zot routinn

Alor ki twa to lekor inn retrouv li dan enn lafos

Enan ki koupab enan ki clean

Inosan pey pou koupab, koupab pe planos

Lazistis imenn kont lazistis divinn

Sakenn pou pey so tor pe inport ki ler mem li enan enn ta lārzan

dan so pos

A penn 6-er

Aswār fek fer

Nek enn frison ek bãnn drol batman leker

Telefõnn pe sonin a tout ler

Linkietid koumans ranplas la bõnn imer

Bãnn fou rir koumans tournin an pler

Bãnn sourir maske deryer enn tristes amer

Lanbilans deza la, zirofār pe anons enn move zafer

Letan inn stop and freeze dan enn move latmosfer

Tou seki ti prezan koumadir inn gengn movezer

Ki’nn arive? Ki sãnn-la sa? Ki’nn fer sa?

Saem tou bãnn parol ki res traverse

Dan enn moman ki ti ranpli ek lazwa

Bãnn aksion koumsa pa sipoze traverse

Difisil pou enn frer, enn ser, enn manman ek enn papa

Perdi enn pārmi zot sa kalite-la

Me gār a selwi ki’nn fer sa

Zwe ek tou me ek sa Bondie ki lao-la krwār mwan

ou pa pou sape anba-la

Dan mo latet sa res enn souvenir, sa res enn zour sourwa

Mo ti panse ki se zis enn rev, kouman enn sinp zour

ki mõ’nn al sinema

Me an realite sa pa ti enn film, ni pe zwe enn pies drama

Ziska zordi pou mwan sa inn res enn troma

Tro- ma-tize pār bann akt dezagreab

Tro- ma-tize devan kriote bãnn swadizan kamwad

Tro- ma-tize devan enn am vilnerab

Tro- ma-tize devan to kadab

Lazistis pou fer, alor repoz an pe mo frer

Mo konin tõnn gengn to plas

Ziska zour ki nou rezwenn dan lespas

Bio

Joseph Ezechiel Collet

Oriziner Trois-Soleil dan lest Rodrig, li amoure ek lār oratwār depi laz 16-zan. Li enn oterkonpoziter, slamer, komedien, santer, prof teat ek senaris ek sa fer 16-zan ki li pratik so lār a-plin tan sou nom Jeckel Ze Angel.