Publicité
Plumes engagées
Pie pous traver
Par
Partager cet article
Plumes engagées
Pie pous traver
À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.
Enn pie ki’nn koumans pous traver depi so nesans
Difisil pou dres li kan li’nn ariv ladolesans
Si depi piti nou ti pran li kont nou ti pran li swin,
Azordi li ti pou korek ar nou fer nou dibien.
Li ousi li na pa antor
Kitfwa ziska so lamor
Li pa pou sanz direksion
Pou li sey konpran pozision. (bis)
Li’nn abitie respir move ler ki fer so letour
Me avek lapasians ek laperseverans enn zour
Kitfwa li pou konpran ki pous traver li enn gran erer
Sa zour-la li pou sey konpran later konpran liniver.
Lagrin ki’nn donn li lavi
Limem li pa ti zoli
Akoz so bann zanset
Pa ti ena nanye dan zot latet. (bis)
Zarb-la kan li mor, so zanfan li pou pous traver
Bizin fer atansion, pa les li tom dan mem erer.
Bizin aroz li, fourni li seki li bizin
Pou so zanfan ousi, ler li ne, li ava konpran bien.
Lerla enn nouvo ras
San defo san okenn tas
Pou milit pou lanatir
Ek lafors larivier.
Sa zour-la pou ena lape
Tou kamwad zarb marye pike
Pou vir sivilizasion
Pou amenn zot revolision.
23/11/1979
Bio
Madaya Condeah
Passionné de langues – en particulier du «Kreol Morisien» –, de théâtre et de linguistique, il a été enseignant de français et d’anglais. Amateur de musique classique et de jazz, il a été le lauréat du premier «Konkour Lekritir Teatral Pri Dev Virahsawmy» en mars 2026.
Publicité
Publicité
Les plus récents
