À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Parfwa, li inportan ki to observ seki pe pase otour twa pou to

konpran

Ki dimounn ki vre,

Ki zis fer sanblan.

Dimounn kapav riy avek twa,

Me dan fon zot pa kontan twa.

Zot pou kritik twa

Zot pou boufonn twa

Zot pou koz twa

Tou sinpleman parski zot pa kapav fer kouma twa.

Zot trouv to talan kouma enn menas

Zot kritike pa parski to feb,

Zot kritike parski zot per

Per enn fam, enn zom ki kone kot li pe ale

Zot pa kapav dimann direksion – zot prefer dir to inn perdi

Zot fer koumadir zot pli bon

Me zot zis kas to moral

Pou zot kapav santi zot gran.

Zot pa leve pou resi

Zot prefer trap lezot pou desann.

Mo finn aprann

Pa tou dimounn ki pou kontan to lalimier

Parski zot prop lombraz pa les zot trouv prop verite

Mo finn aprann

Pa tou ki riy avek twa ki anvi to bien

Parski leker bwar larm ki pa tou lizie trouve.

Bio

Alynia Marudan

Etidiant an B.Ed French MIE, li ekrir pou exprim li ek fer reflesi.