Publicité
Plumes engagées
Mo kwar dan Bolom Nwel
Par
Partager cet article
Plumes engagées
Mo kwar dan Bolom Nwel
Jean Lindsay Dhookit.
À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.
Mo kwar dan Bolom Nwel
Ki desann depi lesiel,
Li pou donn mwa zouzou
Si mo fer bon zanfan,
Li pou fer labous dou
Si mo bros bien ledan.
Mo kwar dan Bolom Nwel
Ki desann depi lao
Rise par serf
Dan so treno.
Mo kwar dan Bolom Nwel
Parski kan sonn minwi
Mo gagn kado
Dan mo soulie
Kot mo lili.
Wi, mo kwar dan Bolom Nwel
Ki desann depi lesiel,
Get tou so zoli zimaz
Dan zournal, revi, brosir
Tou mem bataz
Tou mem figir…
Ayo, aret demann mwa
Ki manier li fer
Pou vinn sak lakaz
Zis kan minwi?
Sa li enn mister
To nek bizin kwar!
Wi, mo kwar dan Bolom Nwel
Ki desann depi lesiel,
Li bien kool, li bien korek,
Mem si to pa kwar li
Li pa pou kas latet,
Zame linn deklar Fatwa
Zame linn met tioula
Zame linn met divizion,
Li kapav donn twa bazouka
Me zame sa pou fer fraka!
Li pa bizin to louanz
Gramatin, lazourne, tanto, aswar.
To va tann sante lor li
Zis kan Desam vini.
Ena pe touzour atann Le Messi
Ena ape dir li’nn deza vini
Me Bolom Nwel
Kan flanboyan
Pran dife,
Bare
Ala li koste.
Sanzman bann sezon
Kadans vag lamer
Batman nou leker
Kapav dekale,
Me ala plis ki milan
Bolom Nwel
Mem mwa
Mem dat
Mem ler
Finn touzour revini!
Ayo, aret plin mwa
Ki manier
Li fer
Pou vinn sak lakaz
Zis kan minwi?
Sa li enn mister
To nek bizin kwar!
Bio
Jean Lindsay Dhookit
Ex-chargé de cours en informatique à l’université de Maurice, il a été collaborateur à «l’express», et a écrit une trentaine de nouvelles en anglais, français et «Kreol» pour la Collection Maurice (Immedia). Son premier livre, «Stepping into the Computer World», est sorti en 1992 et a été suivi une dizaine d’années plus tard par «L’informatique racontée à ma nièce». Son roman «He came from Chagos» a été publié par le «President’s Fund for Creative Writing» en 2014. Il a été lauréat du prix littéraire Jean-Fanchette en 2015 pour sa pièce de théâtre «Cette Brûlante envie de servir», qui a été jouée à Paris en 2018. En 2021, pour le «Konkour lekrtitir text siantifik» an «Kreol Morisien», il a reçu le premier prix pour son manuel «Anou fer enn teleskop». En 2023, il a remporté le Prix de poésie Edouard Maunick pour son poème «Demin pa pou twa».
Publicité
Publicité
Les plus récents
