Publicité
Plumes engagées
Lavi meyer
Par
Partager cet article
Plumes engagées
Lavi meyer
Rishi Kaundun.
À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.
Waiii san okenn laper
Mo pe vinn la pou dir
Seki mo ena lor mo leker.
Ki lavi ti pou mil fwa meyer
Si lom pa ti a latet lasenn alimanter.
Si nou ti ena bann predater
Ki ti donn nou lafreyer
Nou ti pou bizin pli solider.
Sa zafer ki apel relizion-la pa ti pou vinn
enn baryer.
Parski si to reflesi bien samem pli gran koz lager.
Kan to trouv zom pe ziz so prosin dapre ras
kalite kouler
Dan lavi samem pli gran erer.
Pa pe avanse la. Pe fer limanite retourn an aryer.
Ek asterla mem pou to fer lapriyer
To bizin pas par bann intermedier
Ki gagn gro gro gin finansier.
Isi dan nou ti Moris nou sanpion di mond fer parey
swiv manier.
Nou pe rezet nou prop kiltir.
Nou pe swiv seki sorti ayer.
Pe abiye kouma santez santer.
Pe rod viv kouma aktris akter.
Apar sa ena boukou zafer
Ki pe vir a lanver.
Bann zelev inn aret ekout profeser
Zot inn pran lekzanp lor nou bann
onorab parlmanter.
Kan konpanie ferme remersi twa donn twa
enn mwa saler.
Gran bourzwa gagn enn Golden Parachute...
Kan zafer ferme donn twa enn mwa saler.
Gran patron gagn enn Golden Parachute pou li al
aterir
Lor enn lot sofa kwir.
Alor ki twa ti dimounn to gagn enn Golden
Koutpie dan to deryer.
Boukou ena konpleks inferyorite zot kontan santi
zot siperyer.
Zot pa pou ezite pou zot detrir
Kamwad koleg vwazin fami mem prop frer ek ser
Zis pou zot gagn inpe oter.
Be kan to kras dan ler
Li normal ki enn zour sa pou tom anplin to figir.
Kan to pou mor ki to ti zenere ou to ti krever.
Ki to pou al dan paradi ou dan lanfer.
To pa pou gagn amenn okenn zafer.
Be ki serti to pe deklar enn ta fezer.
Plito kit enn bon tras de to pasaz lor later...
Bio
Rishi Kaundun
Passionné d’art sous toutes ses formes, et féru d’histoire et de géographie, ce fana des mots et parolier a pour nom de scène GaG-All. Il a joué le rôle du compagnon d’Anjalay Coopen dans le film «Dan la kal nou memwar» en 1995. Ayant rejoint la famille slam en 2019, il a fait l’ouverture de la «Sware Omaz Siven Chinien et Bam Cuttayen» en mars 2023. Il cultive l’humilité et voue un grand respect à tous ses semblables.
Publicité
Publicité
Les plus récents
