Entre poésie, slam et confidences intimes, les plumes ? se sont une nouvelle fois engagées à livrer leurs mots ✍️ et à faire résonner leur voix.

Labous bate lor lalang enn gou lavi, enn

gou fierte

Dan zistwār mo leker li lor premyin paz pa

ni bizin pou feyte

Rol prinsipal dan lavi kouman enn moter

Dan masinn

Mo lang maternel pã’nn zis permet mwan

kõnn bãnn mo, me ousi kõnn mo rasinn

Mo lang, sours prinsipal mo poezi

Li mem zordi inn dõnn mwan bãnn mo

pou mo vinn poz-isi

Sārz mo bãnn parol koumadir pe sārz bal

dan mo fizi

Dan mo lespri li prodir bãnn parol ki pār

linspirasion inn gengn sezi

Mo lang, permet mwan ek mo bãnn

zin-fran res kominike

Li ede pou pārtaz lazwa dan nou ti

kominote

Ek li, mo lemosion res Monte-desãnn

Pou li, lor terin lavi kouman

Sergio Ramos so nom mo pou

res defãnn

Li kouman son enn tanbour,

dan mo leker li rezonin

Rezõnn lor mo lapo kouman enn kares

1 melodi kouman kalot mo manman dan

mo zorey li res sonnin

Mo lang kreol dan mwan li azir kouman

enn tandres

Avek mo lang mo kouman enn pwason

dan lamer

Mõ’nn konin ki apel douser, ki apel

radmare ek so bãnn zour amer

Rezon pou kifer zordi mo enn zonm solid,

mem ek mo ti-tre

Mo letazer ranpli ek trofe, avek mo lang

kreol mõ’nn vinn enn zonm titre

Dan lemond mo lār, mo poezi

se enn pinso

Kot mo lang kreol li mo palet,

li mo berso

Kot mo bers bãnn mo

Ki permet mwan bers mo lam

Mo lang se mo lamizik ki zordi

pe bers mo slam

Labous bate lor lalang enn gou lavi, enn

gou fierte

Dan zistwār mo leker li lor premyin paz pa

ni bizin pou feyte

Zārm prinsipal pou reprezant mo kiltir

Pou li mo determinin, mo pou toultan

konbat pou so fitir.Charley

Bio

Louis Jean Hans Charley

Originaire de Piment-Reposoir, Rodrigues, cet étudiant en communication de l’université de Maurice et footballeur est membre de la Rodrigues Skool of Art avec plusieurs récompenses dans le monde de la poésie et du slam.