À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

-Ki sa tapaz mo pe tande-la?

Ki sa tapaz-la sa?

-To pa kone ma chère?

Moris aster ena enn larme!

-Ki pe briye koumsa?

Ki pe briye

Ziska li kas lizie?

-Soley lor bayonet ma chère,

Samem ki pe briye!

-Me li ankor boner

Mo kwar,

Soley inn fek leve!

-Solda fer drill boner ma chère,

Solda fer drill

Osito fer kler!

-Zot pe koste

Mo kwar,

Gos drwat, gos drwat

To pa tann zot pa?

-Solda mars koumsa ma chère,

Solda toultan marse

Enn fason bien ritme!

-Zot pe vinn pre

Ar marsan ladrog

Mo kwar,

Zot pé vinn pre kot li reste!

-Sirma zot finn gagn lord

Depi lao ma chère,

Sirma finn gagn lord

Pou anfin aret li!

-Me zot pa finn arete

Mo kwar,

Zot pe koste

Zot pe vinn pre

Ek sipermarse

Sirma zot finn gagn lord

Depi lao ma chère,

Sirma zot finn gagn lord

Parski zame li afis pri!

• Zot pe vinn pli pre

Mo dir twa

Zot pe koste

Ar Mimi,

Sa salon zis

Dan kwin lari!

-Sirma pou vinn aret li ma chère

Sirma pou aret li,

To pa kone

Li fer komers

Fam ek tifi?

-Zot pe vinn extra pre

Mo dir twa

Zot pe koste ar vwazin!

-Sirma pou vinn aret li ma chère

To pa kone

Li zwe lamizik for?

To pa kone

Li fer dialsa

Toule swar

Ziska tar?

-Zot finn defons lantouraz

Mo dir twa,

Mo tann zot dan lakour,

To pa tann zot pa

Gos drwat, gos drwat

Lor sima?

Zot pe vinn pou twa ma chère

Zot pe vinn pou twa,

Komie fwa mo’nn dir twa

Fer atansion,

Bann poem to ekrir

Ti touzour fer ZOT per!

Bio

Jean Lindsay Dhookit

Ex-chargé de cours en informatique à l’université de Maurice, il a été collaborateur à «l’express», et a écrit une trentaine de nouvelles en anglais, français et «Kreol» pour la Collection Maurice (Immedia). Son premier livre, «Stepping into the Computer World», est sorti en 1992 et a été suivi une dizaine d’années plus tard par «L’informatique racontée à ma nièce». Son roman «He came from Chagos» a été publié par le «President’s Fund for Creative Writing» en 2014. Il a été lauréat du prix littéraire Jean Fanchette en 2015 pour sa pièce de théâtre «Cette Brûlante envie de servir», qui a été jouée à Paris en 2018. En 2021, pour le «Konkour lekrtitir text siantifik» an «Kreol Morisien», il a reçu le premier prix pour son manuel «Anou fer enn teleskop». En 2023, il a remporté le Prix de poésie Edouard Maunick pour son poème «Demin pa pou twa».