À l’heure du tout à l’image et du buzz sans suite, «l’express» souhaite faire découvrir la plume de poètes, d’écrivains et de tous ceux qui jettent leur âme sur le papier en cette Journée internationale des droits des femmes.

Fam,

Zoli kreatir Bondie

Fam,

Zoli kreatir Bondie

Fam,

To finn resevwar talan

Pou met enn zanfan lor later

To finn resevwar sa don

Pou met enn zanfan lor later

Se Bondie mem ki à l’œuvre,

Kan to pe fer sa

Se Bondie mem

Ki pe donn twa tou sa lafwa

Se Bondie mem so lamour

Ki dan twa

Pou to kapav elve enn zanfan

Pou to kapav donn li enn kalin

Pou to kapav donn li enn bouse manze

Pou to kapav fer so ledikasion

Pou to kapav donn li leson

Pou to kapav fer li grandi

Fam,

Se tomem, se tomem

ki Bondie finn swazir

Ar to lamour

Ek to lemosion

To trap zanfan dan to lebra

To bers li

Ek enn lamour ki pena limit

Fam,

Tomem, tomem

Ki Bondie finn swazir

Fam tomem, tomem

Ki Bondie finn swazir

Pou elve enn zanfan

Fam Bondie,

se tomem

Ki li finn swazir

Se tomem

Tomem lamour lor later

Se Bondie dan twa lor later

Tomem pli gran leker

Mem si to zanfan enn prizonie

Mem si to zanfan enn gran lerwa

Mem si to zanfan enn labourer

Si to zanfan li enn sofer

Si to zanfan li enn infirmie

Si to zanfan li enn bouse

Si to zanfan,

Si to zanfan ape mandie

Si to zanfan dan liniversite

Fam,

Se tomem pli gran leker

To kapav travers later losean

Zis pou to bann zanfan

Komie trase to trase

Leve, touzour diboute

Pou ki to bann zanfan

Pa mank enn bouse manze

Fam se tomem

Fam se tomem

Fam se tomem

Lamour lor later

Fam se tomem

Fam se tomem

Lamour lor later

Komie mama sakrifie

Komie mama abandonn zot rev

Komie mama diboute

Komie mama napa kalkile

Me li zis kontan e donn lamour

so zanfan

Fam, gras a to lamour,

Tou la sosiete bourzone

Fam, gras a to lamour,

Tou prizon pou ferme

Fam, gras a to lamour,

Tou zanfan pou ere

Fam,

Zoli kreatir Bondie

Bio

Ingrid Leste

Also known as Janamodini, she is a multipotential artist. Art in its diversity was always a passion, but she was hiding herself behind her academic and professional path in Events and Tourism. After more than ten years in the corporate world, it was just a matter of time before she exposed herself artistically. In 2018, she has created the “Vwayaz Within”, a concept where she proposes a sound journey along with meditation, deep relaxation, self expression, poetry and moments of silence to help people access well-being and wellness through the unique sound of the didgeridoo and art.