À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Esklave, pa esklav!

Esklave, pa esklav!

Dan karo, dan lagrot

Disan fane!

Fizitif lespri

Fizitif soufrans

Respirasion paralize

Douler, maler

Malgre fors interyer

Larm kouma pier presie

Deverse ar rises limanite

Ale Vini

Vini Ale

Korde ar sek’inn ankese

Fwet!

Lanfer lor later

Desirman leker

Abize

Dezabiye

Sansire

Dezanpare

Denigre

Kourbe

Divan lespri malsin

Fer krwar ki to nanye

Bebet san lam

Devir bol dal

Me saki twete Twa,

Napa Seki Zot dir zot!

Bann kolon detourne

Ar lasours lavi

Lespri inpir

Nek rod plis,

Limem li esklav.

So lespri

Anvi ris

Rod akapare

Rod kontrole

dan darkness

Adik ar rises, Later, dezir

Ek pouvwar

Konsians disipe

Telman rod grander

Me dan leker

Enn vid deklar li siperyer

Zot kondann zot prop frer ser

Ki ena diferan klas, kouler lapo

Ou textir seve

Si pou zot,

Pinision vinn solision egorze,

Esklave li, Finn rebele!

Alor less Bondie gete

Ki kote bizin liberasion lespri ansene

Enn soupir, expir kondanasion

Get anfas bann vanpir

Ki zwir divan tortir,

Zwir divan tortir!

Less zot, less zot,

Less lape konesans

Iliminn bann kinn konn linzistis

Less lape konesans

Apez sagrin fizitif

Aster, nepli ler pou res enn viktim

Kan blesir desir lekor lespri leker

Konsians repran kontrol

Pou dir Ase tourman

Ase Soufrans lepase

Ase santiman inferyorite

Inn ler pou viv dan prezan,

Geri Leker!

Dan Nou,

Ena mem bote, mem dignite

Mem drwa, mem sans

Lespwar, ledikasion, levolision,

Oportinite pou elev konsians

Ver pirte

Pli gran ki tou,

Se lamour dan nou

Orevwar, Adie a bann mesanste

Le pardon inn zerme,

Kouma lor lakrwa

Montagn Le Morne

Wi, monn ne lor Later Lafrik,

Isi dan Zil Moris

Antoure Ar losean Indien

Mem si kontigne maltret mwa

Ou Nou frer, Ser

Less Bondie pez take lalimier

Esklave, me pa esklav

Finn ariv ler pou releve

Repare, Viv dan liberte!

https://www.youtube.com/watch?v=di1bhOU-J8E Bio

Ingrid Leste

Also known as Janamodini, she is a multipotentialite. Art in its diversity was always a passion, but she was hiding herself behind her academic and professional path in Events and Tourism. After more than ten years in the corporate world, it was just a matter of time before she exposed herself artistically. In 2018, she has created the “Vwayaz Within”, a concept where she proposes a sound journey along with meditation, deep relaxation, self expression, poetry and moments of silence to help people access well-being and wellness through the unique sound of the didgeridoo and art.