Publicité
Plumes engagées
Dan Kouran
Par
Partager cet article
Plumes engagées
Dan Kouran
À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.
Mo pa pou al kont kouran
Kont mo prop natir
Pou perdi momem
Dan mem sistem
Enn sistem kinn amenn mwa bien lwin
Ar kisann-la mo bizin vremem ete.
Si pena lezot sime,
Aster tou seki mo ena pou fer
Se res la.
Res isi, la avek momem.
Dan sa lasam-la.
Antoure par sa bann miray-la.
Ek santi pwa mo lemond
Pe leve dousman dousman
Depi lor mo zepol
Amezir ki mo retourn ver momem,
Dousman dousman.
Aster, ki pou fer?
Ki bizin fer
Pou ariv dan sa leta-la,
Sa leta lespri,
Sa leta prezans?
Ekoute. Obzerve.
Pran kont to vizion lesoz
To lafors vivan.
Kan nou align nou
Ar nou lafors de vi,
Nou vinn pli pros
Ar nou vre lekor,
Ek nou vre vizion lavi.
Kontinie.
Lerla mo konpran
Ki tou kiksoz
Pa bizin forse.
Ena kiksoz
Ki zis bizin les grandi,
Dan silans.
Li parey kouma enn lagrin anba later
Kan pe krwar nanye pa pe arive,
Andan, kiksoz pe sanze
Lavi pe koumanse.
Pa tou sime
Bizin kler depi koumansman.
Seki inportan
Se gard lafwa
Dan prosin pa.
Enn pa, apre enn lot.
Dousman dousman.
Sann bizin gagn tou repons.
Sann bizin kone
Kot sa pou amenn mwa.
Zis krwar
Ki kiksoz pe al met li
Kot bizin.
Ek krwar osi
Ki plis nou retourn ver noumem,
Plis nou pou vinn antie.
Plis nou aret lager
Kont nou prop kouran,
Mwins nou pou koule,
Ek plis nou pou aprann naze.
Tigin tigit
Dousman dousman.
Bio
Rebecca D’Souza
An kolaborasion avek Caudan Arts Centre, li finn diriz bann latelie lekritir kreatif depi 2024. Li oter “89 Questions to the Moon”.
Publicité
Publicité
