À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier en cette journée de célébration de l’Indépendance.

Inn ler pou nou demande

KAN lalimier pou paret dan brouyar

Sa brouyar ki pe fer nou tatone

Kan rod mars pli divan.

Wi… nou kapav pe viv trankil

Sakenn so kote,

Me li pa ase,

Nou enn nasion ki bizin konplete.

E…

Pou sa arrive

Nou bizin zet regar

Pa lor miray ki diviz nou

Me lor pon ki relie nou.

Li pa oblize dir

Nou bizin

Vinn enn nasion parfe,

Plito

Ki nou bizin

Konn swazir

Ki semin pran,

Alors san tarde

Anou met lavenir an premie

Anou met diferans dekote.

Pou vinn enn vre Morisien

Fode nou konn nou vre listwar,

Fode pa nek ekout

Seki Pierre, Pol, Zak

Pas letan rakonte,

Pa les zot

Fer nou krwar

Ki intel inn fer plis,

Non

Sakenn inn fer so par.

Detrwa fwa nou finn pas

Par moman

Ki ti kapav fini nou…

Me finalman nou finn resi sorti

Nou finn pans nou blesir

Me eski sa blesir-la

Pankor touzour ouver?

Inn ler pou realize

Nou zis enn pwin

Omilie lamer,

Nou nepli zetwal ek lakle

«La mer des Indes»,

Avan ki nou rod pli lwin

Anou explwat afon

Seki otour nou,

Fode pa ki nou lizie

Vinn pli gro ki nou vant,

Nou pa la pou vexe personn,

Me fode pa ousi

Ki bizin kourbe

Devan sipa ki “pei frer”,

Pena pou montre preferans okenn

Nou bizin res korek ek tou.

Nou pe trouv nou

Dan enn lakrwase…

Eski bizin pran semin fasil

Ek marse lame dan pos

Pou pli divan tom dan trou,

Ou bien pran lot semin

Kot bizin lev gros ros

Me ki pou amenn nou pli lwin?

Pa kapav ena dout!

Alors san tarde

Anou tross lamans

Ek fer nou pei

Vinn inpe pli bon,

Lerla kan ler

Pou pas flanbo

Pena pou bes lizie

Nou va fer li avek fierte

Ar bann nouvo

Ki pe leve.

Listwar ena lizie lor nou,

Inn ler pou aret

Relev le pase,

Inn ler pou aret fer kwar

Ki intel inn fer plis dominer,

Get fason nou tret

Nou frer depi deor,

Eski vremem nou meyer?

Finn ler pou

Aret

Get dan retrovizer,

Finn ler

Pou get divan,

Finn ler

Pou sorti dan brouyar,

Anou zet anba

Tou konpartima,

Anou pas gom

Lor tou letiket…

Avan nou ale,

Les sakenn alim so kinke,

Wi, li kapav tigit

Me ansam

Li pou donn boukou lalimier.

Bio

Jean Lindsay Dhookit

Ex-chargé de cours en Informatique à l’université de Maurice, il a été collaborateur à «l’express» et a écrit une trentaine de nouvelles en anglais, français et «kreol» pour la «Collection Maurice». Son premier livre, «Stepping into the Computer World», sorti en 1992, a été suivi une dizaine d’années plus tard par «L’informatique racontée à ma nièce». Son roman «He came from Chagos» a été publié par le «President’s Fund for Creative Writing» en 2014. Il a été lauréat du prix littéraire Jean Fanchette en 2015 pour sa pièce de théâtre «Cette Brûlante envie de servir» qui a été jouée à Paris en 2018. En 2023, il a remporté le Prix de poésie Edouard Maunick pour son poème «Demin pa pou twa».