À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Exprim twa lor seki to pe trouve

Ekrir de-trwa fraz lor seki pe pase

Limanite dan dife

Eski ena kitsoz ki to trouv finn sanze?

Les to plim dikte larealite

Dan de-trwa lane ki pou arive?

Asize reflesi

Eski nou pou resi sorti dan sa serk visie?

Less to lam vibre

Parski dan de-trwa minit to pa kone kouma to lavi pou baskile

Lavenir insertin alor viv koumadir demin pa existe

Fer ki to leker res touzour zwaye

De-trwa dimounn lor to pasaz pou inpe egri

Pas rant dan zot negativite

Lavi tro zoli pou perdi letan reponn laenn

Al kot to lipie kondir twa

An de-trwa pa, to kapav al dekouver to boner

Pa perdi lenor, lesegner li to bousol

Par lapriyer to pou trouv to konsolasion

Move linflians prezan dan nou kotidien

De-trwa swadizan kampo in pare pou atir twa dan trou

Enn maler bien degize

Enn sel erer to lavenir flou

De-trwa fwa monn pas mem mesaz

Zis de-trwa dimounn ki kapte mo pasaz

Bio

Julia Achille

Mère combattante et travailleuse, elle a découvert le slam grâce au concours interscolaire en 2015. Elle est depuis une amoureuse de la plume, au nom de scène Sista Yah.