Publicité
Plumes engagées
Gran mārtin
Par
Partager cet article
Plumes engagées
Gran mārtin
Jean Frederick Bégué.
À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.
Asize lor mo brans kouman enn gran mārtin
Ekout respirasion labriz granmatin
Tãnn kriz silans
Mo zanset
Zonm fanm pe kasiet
Lakoler ek lemosion dan lasiet
Ek lespwār kouman enn latizãnn
Kouman enn pwason ek so lanti zõnn
Ase zonm
Douler mo ledo enn lakonpagnman ki asezõnn
Mo enn esklav ek sa pa kont sezon
Mo enn rodrige metis ki sort dan diferan rezion
Mo rezid, rekre ek prokree
Mo desid, reklam ek progrese
Se la
Lamem kot nou bãnn ansien inn antere
Lamem kot Rodrig inn kre
Lamem kot mo lamour li ankre
Enn plas antik
Nwār-nwār tipti kouman lagrin lanti
Me zordi nou la
Asize lor enn brans kouman
enn gran mārtin
Komemor lamor zanset enn granmatin
Ekout labriz sinfoni mo kreolite
Ekout dife ki anba karay
Nou zanset dan karo
Ekout ritm sa triang feray
Ki temwin bãnn parol
Ekout nou tanbour ki rezonin
Anba enn soley ki reyonin
Bote sa lapo nwār anba sak reyon
Les mwan mo dekrir la bote mo kiltir pār abilite mo kreyon
Debout lor mo brans kouman enn gran mārtin
Mo la etidie dan granmatin
Isi mem lor montagn simitier
Kot simin frer ek ser
Inn fini pār freser
Atrosite lesklavaz
Me se
Nesans enn kiltir
Nesans enn langaz
Nesans enn fitir
Kot nou patrimwan li ape fer so pelrinaz
Zwe ek nou mayos abil kouman pele
Son mo tanbour ki fer mwan pile
Soufle sa melo melanz melankolik
Sega tambour mo zanset ki’nn fer mwan adik
Traze trazik lesklavaz ki’nn anzandre mo lamizik
Frer ser
Zanset yer inn konstrir seki enan zordi
Pou ki zenerasion apre pa perdi
Zanset yer inn konstrir seki enan pou zordi
Asize lor brans kouman enn gran mārtin
Komemor nesans rodrig enn granmatin
Bio
Jean Frederick Bégué
Oriziner vilaz Quatre-Vents dan sant Rodrig, Zanfrederik, pār so nom lasenn, enn fotograf ek slamer pār pasion. Gengnan plisir tournwa slam, li ousi ambasader lorganizasion Dis-Moi dan losean Indien.
Publicité
Publicité
Les plus récents
