Publicité
Plumes engagées
Lafors deryer douser
Par
Partager cet article
Plumes engagées
Lafors deryer douser
À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.
Enn delikates infini
Kot so douser ek so tandres zamin fini
Pou sa letinsel remarkab ki li tini
Li enn perl avek enn lotantisite indefini
Inik dan so fason fer,
Li viv ek valoriz so lotantisite
Viv sinp zamin ti fer li per
Wi mem dan larises li gard so sinplisite
Ranpli ek potansiel
So talan ek so lintelizans fer enn sel
Enn bote san limit, ki pa kapav explike
So leker an or, sa form parti
de so spiritialite
Apresie pou so kouraz ek so tenasite
Ek pou sourir ki li garde devan ladversite
Lor so fron
So kouraz ek so determinasion
Reflekte sak gout laswer
Dan biro, dan lakaz ou mem dan bitasion
Zamin bes lebra ek kontinie al delavan
Rapel limem ki dan lavi enan
de o e de ba,
Me so lafwa res gran
So lafwa ek so krwayans sov li souvan
Akoz samem so bondie
Li pa kapav viv san
Enn delikates infini
Kot so douser ek so tandres zamin fini
Pou sa letinsel remarkab ki li tini
Li enn perl avek enn lotantisite indefini
Berse depi dan so vant
Lemond inn trouv lizour apartir
so konsepsion
Fasonn sakenn
De so bann valer ek prinsip
Instrir sakenn de enn pasion
Inspir lezot pou avanse ek
donn zotmem lemwayin
Gard so leker an or ek so limilite
ki li swagnin
Lafam li
Enn kreasion divinn,
Enn pilie limanite
Ou ankor, enn trezor parmi bann
kreasion Bondie.
Bio
Julianick Casimir
Originaire de l’île Rodrigues, elle aborde des thèmes variés allant de l’injustice sociale aux rêves des jeunes de sa génération. À son actif : le premier prix d’«Un Incroyable Talent» à Rodrigues, une participation au «Spotlight Talent Show» à Maurice en 2020 et une nomination pour le prix au «Tann Grofi Artists Award» en 2021.
Publicité
Publicité
Les plus récents
