À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Pa get mwa zis par mo figir,

Pa krwar mo pa konpran kiksoz ki ou dir.

Mo enn zanfan, mo ena mo leker,

Mo ena mo lamour, mo ena mo valer.

Mo mars diferaman, mo aprann

dousman,

Me krwar mwa,

Sak pa ki mo fer, li enn viktwar,

Sak zour mo leve, mo krwar dan lespwar.

Mo krwar dan lamour, pa dan zizman,

Parski mo lavi, li enn gran benediksion.

Pa krwar mo diferan vedir ki mo mwins,

Nou tou diferan, me nou tou ena enn sans.

Aksepte mwa kouma mo ete, san okenn

per,

Mo krwar dan lavi, mo krwar dan lalimier.

Toulezour mo merit respe ek larmoni.

Ansam nou kapav fer enn pli bon

lemond,

Kot sak dimounn krwar li ena enn plas,

enn kiksoz pou done.

Bio

Shruti Pothunnah

She turned 9 yesterday and carries a voice filled with courage, heart, and purpose. Through this slam, written when she was 8, she reminds us that every small step matters, and that love and acceptance can change the world.