Publicité
Plumes engagées
Omaz a Ras Natty Baby
Par
Partager cet article
Plumes engagées
Omaz a Ras Natty Baby
Vinita Hoolash [Crédit Neco Photography]
Nounn perdi enn poet
Kinn rakont nou lape ek linite,
ki nou pa bizin separe
par kouler ni ras ou
par bann baryer ki noumem noun kree
Enn interpret
kinn tradir soufrans an lamizik, ki ti fer nou krwar dan limanite
ki enn sel nasion pa zis enn rev, me enn kiksoz ki nou kapav viv.
Enn ras kinn pas nan lamizer Pa bizin res dan lamizer
Anou pran konsians
Pa perdi nou dan laenn
Servi lamizik kouma enn terapi Pou enn nouvo vision
Mars ansam pou ki nou tou vinn enn sel
Ras Natty Baby touzour la li viv dan sak not,
dan sak parol,
dan sak leker ki ankor kwar
Bio
Vinita Hoolash
Pasione ek lavi, li retrouv bote dan poezi ek sians. So sourir ekler tout lespas ki li ete avek so lazwa deviv.
Publicité
Publicité
Les plus récents
