À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

(Omaz a Pomponette, a nou bann laplaz e

a patrimwann kiltirel zil Moris)

Mari lwin mo finn ale

Non! Zame mo pa finn trouve

Enn baz, kouma nou

ti Pomponette

Na pa zis non ki zoli net

Enn landrwa vreman mazik

Mari sovaz, mari mistik.

Mem parfwa kan mo pe reve

Non, zame pa finn poz lipie

Lor laplaz kouma La Prairie.

Mem kan lesiel inpe Gris-Gris.

Soley briye zis pou Samarel.

Zanfan pa per pou zwe, tourne

Zis dan bor lamer Riambel,

Trap lame fer Pont naturel…

Samem nou diaman

Samem nou lor

Mari lwin mo finn ale

Non! Zame mo pa finn trouve

Lor 5 kontinan 4 kwin lemond

Kan mo finn poz lipie Le Morne

Kas enn poz pou mo get Brabant

Par deryer ziska par divan

Tann dir Souillac so ros plore

Boukou peser finn trepase

Lesid sovaz so disan so

Pa met lotel, bungalow

Pas bliye, lor l’îlot Sanchot

Ansien pirat ti gard so trezor

Nou Morisien bizin proteze

Larivier Anguilles,

Larevier Galets

Samem nou diaman

Samem nou lor

Zot ape deform so peizaz

Pa les lesid vinn lepav

Pou nou zanfan ousi kapav

Profit bote so vre visaz

Samem nou diaman

Samem nou lor

Bio

Nicholas Louise

Né à Maurice, il vit aujourd’hui en France. À travers une langue sensorielle, portée par le «Kreol Morisien», son écriture explore et interroge les héritages, le rapport à la nature, les mythes fondateurs et la transmission.