À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Akoz inpe minit retar,

Lamor finn vinn an avans.

Akoz rod sansasion lor koltar,

Lekor finn rant dan enn lot trans.

Pe pran larout pou enn zwe azar,

Pe panse ena plizir lavi ek sans...

Me realite bien pli violan ki aksidan,

Pann pez frin, me rev, proze finn arete.

Pou koupab, kamarad, fami ek zanfan,

Plis ki masinn ou parbriz ki finn kase.

Avek vites, zot finn perdi plis ki letan,

Lalkol, ladrog ek portab finn fer enn lot lefe...

Inpwisan, li bien difisil pou aksepte,

Ki akoz linpridans ou linsousians,

Enn lavi, britalman finn ale,

Kit enn vid ek enn blesir imans,

Pa zis enn dimounn ki afekte,

Me tou seki soufer par so labsans...

Anplas kondir kouma dan game,

Anou aprann kondir nou mem.

Disan lor sime, kapav lave,

Me kan leker segne, pa fasil sikatrize.

Valer enn lavi, li inestimab,

Ansam, anou vinn pli responsab...

Bio

Vanessa Agar

Amoureuse de sa patrie, elle est une plume ne s’animant que pour tenter en toute simplicité de susciter l’empathie, encourager les éprouvés et propager l’Amour.